跑壇 星級跑手訪問系列
😆🎊打響頭炮既係星級跑手 -曾漢聲 @jeremystar

楠小編喺訪問曾漢聲之前，對佢嘅認識只有透過師弟嘅口中又或者頒獎台上先可以一睹，透過今次嘅訪問終於可以真正更深入咁認識。

先講一講曾漢聲背景：
-曾代表香港參加東亞運動會
-亞洲青年田徑錦標賽
-亞洲格蘭披治田徑賽
-新加坡田徑邀請賽
而獲得嘅獎項:
-2009年香港田徑總會傑出青年運動員
-渣打馬拉松10公里青年組冠軍🏆
-香港越野錦標賽青年組冠軍🏆
-港運會冠軍🏆
-香港田徑錦標賽冠軍🏆

以上只係筆錄了一小部份，有機會真係想參觀下佢屋企嘅獎牌獎杯區，相信屋企都要有返咁上下大細先放得晒🤣

訪問閑談間呀聲提及最難忘賽事並唔係參加過嘅大型賽事而係一場學界田徑選拔賽。而呢場比賽正正係港隊既選拔，名額只得一位真真正正win or nothing，
但往往通常越着緊嘅事情意外就會喺呢啲時候發生，
比賽當日呀聲患上腸胃炎，痛苦程度係檢錄嘅時候都係痛到彎住腰，最後呀聲喜獲2:03.6既成績以0.1秒之差攞到呢個唯一代表香港隊既資格，正所謂揸緊意志同信念真係可以戰勝逆境喺佢身上真係完全感受到。

而作為港隊既代表，呀聲表示日常比賽同代表港隊感覺都會唔同，使命感令到屬於比賽型選手既佢有更多既源動力。參加比賽當然會想獲得好成績，但係當除咗要獲得好成績仲要背負要對得住港隊呢個頭銜壓力就會自自然然大好多，心理質素好緊要，如何將正面思維化作推動力，處理內心嘅負面，今次聽完呀聲既分享真係大大咁感受到調整比賽前既心理準備係幾咁重要。

而每個成就有返咁上下嘅運動員，係成功嘅道路上都難以避免會受傷嘅過程，而傷患令呀聲喺高水平嘅賽道上需要歇息一下，但係正面樂觀嘅呀聲一直堅持跑步。喺呀聲心目中跑步呢兩個字唔單單只係一項運動，跑步為佢帶嚟除咗事業上，亦有因為跑步結緣嘅朋友，眼界亦開闊了不少，呀聲直言跑步拯救左佢嘅人生，所以除非有一日身體狀況已經完全唔允許佢去跑步，否則放棄跑步發生嘅機會率係零。

咁訪問嘅尾聲都幫絲打們謀一謀福利，呀聲又靚仔又跑得快，楠小編問呀聲「擇偶條件會揀一個喜歡跑步嘅女朋友定係冇所謂？」😂 呀聲答「我相信如果有一位共同興趣嘅女朋友，雙方大家會更加容易了解大家。」熱愛跑步嘅絲打們收到啦😉呢一點我絕對認同，同埋個人認為如果拍拖可以一齊jogging都幾浪漫💕好過行街行商場仲可以慳番時間休息🤭🤭

楠小編認為運動除咗獲獎同完成比賽項目嗰一刻，背後有好多不為人知嘅傷患或者負面情緒，但對跑手來講除咗成績之外帶嚟嘅事業、友誼同埋回憶係真係有錢都買唔到😢

黎緊定期都會有星級跑手接受我哋嘅訪問，想知更多佢地背後既故事？禁一禁個follow制，順手開埋個通知掣就絕對唔會錯過喇，記住留意住我哋嘅動向啦😘

#香港跑步社群平台 🇭🇰
#跑步資訊
#跑步活動
#跑步產品
#running #runner #hkrunning #hkrunner #跑壇

———————————————————–