小編冬奧有感而發

唔知大家有冇睇冬奧呢

Btw 唔知大家會唔會覺得小編太過長氣

不過係真心分享 希望大家都有所得着🥺

如果反應唔差 會寫埋下半部份

東奧已經過咗一大半，相信就算唔太熱愛運動嘅人都唔難閱到相關話題性既畫面，雖然小編完全唔熟悉冰上運動項目（作為學界籃球裁判都明執法既難度），所以帶定頭盔先絕對唔係以裁判嘅層面去表達，純粹想分享吓感受。

冰上天之驕子—羽生結絃

相信呢幾日無論Facebook定 IG,唔同媒體都有佢嘅報道，因為佢既「4周半跳（4A)」被國際滑冰聯盟（ISU)認證 成為史上第一人係冰上跳到4周半既人 但係更加熱烘烘既話題應該係佢係短節目到因為冰面既裂縫而未能完成整套動作 有正有反既輿論 。

運動員除咗經歷比賽輸贏，訓練受傷都無可避免，羽生結絃亦經歷過嚴重傷患，今日嘅四周半因跌倒獲得僅 頸4未能完成冬奧三連霸實在可惜，羽生結絃係訪問中提及為咗練習四周半跳，已經練習超過過千次，堅持直至做到為止。

正正值得我哋學習嘅係佢如何從傷患中振作，同埋對自己嘅追求，相信自己一定做到嘅毅力。

觀眾睇到嘅係結果，當中每個運動員背後付出左幾多時間、汗水、淚水來換取成績，真係有苦自己知。
時間每個人同樣都係24小時，同樣嘅時間，羽生結絃選擇利用自己嘅時間去不停練習，換取今日嘅成績實在令人敬佩。最難得係相信佢既精神可以影響到更多人，比賽嘅對手係自己，令緊張嘅心情變成享受嘅比賽嘅心情，相信都係運動先有呢個可能。至少小編睇完佢嘅報道都有所啟發。

每樣運動都好難唔去計較輸贏，小編係其中一個，羽生結絃嘅報道令我諗翻起小編熱愛跑步嘅時期，大大小小既經歷同傷患 ，有時都會有心很累嘅一刻，加上咁啱呢排有朋友真係好有火不斷撩我跑步，又令我想重新拾起，跳出comfort zone克服傷患，勿忘初心重新出發。

積極留意我哋嚟緊嘅#跑壇活動詳情

#香港跑步社群平台 🇭🇰
#跑步資訊
#跑步活動
#跑步產品

#running #runner #hkrunning #hkrunner #跑壇

原圖於網絡尋找

———————————————————–